Artige ting

Ny lesekrok...

2012-01-22T21:41:00.000+01:00

Vi har fått ein ny lesekrok i stova. Eg har lenge vore fasinert desse turkise 70-tallsmøblane og no har eg jammen fått både toseter og ein svingstol i hus:-) Sofaen er forresten mykje meir turkis enn det ser ut på biletet! Stova er ikkje så stor og har lenge sakna ein stad der eg kan lese Mamma Mø, Mummitrollet, Gubben og katten og Noas ark for minien, utan at TV-en er i sikte. Lampen er julegåve frå mamma og pappa og er kjøpt på Skeidar. Er superfornøgd med den!

No skal eg lade opp til ny veke med ein kopp te og kanskje bittelitt smågodt..;-)

Ha ein fin kveld!

Marlene M

2011-10-11T16:17:00.000+02:00

Nyydeleg cafè au lait sett frå Marlene M. Tvillingsøstrene frå Bergen har verkeleg fått det til. Perfekt form, farge og design i mine auger. Butikk i Bergen og nettbutikk her. Vel verdt eit besøk!

Barnerom...

2011-09-10T22:36:00.001+02:00

Det blei visst ein litt vel lang pause dette her! Har ikkje brukt mykje tid på blogging og data generelt, i det siste, og har tenkt på å gi meg med blogginga. Det er ikkje det at interessen har avtatt, heller det at tida ikkje strekk til. Eg har begynt eit nytt skuleår med full jobb i ei førsteklasse. Med full aktivitet på heimebane i tillegg blir det nok ikkje så tett mellom innlegga framover. Ser det an litt etter kvart om eg gir meg heilt eller ikkje.

Når det er sagt så vil eg vise nokre bilder frå minien sitt rom. Har fått opp to "nye" lampar der inne. Kulelampen er kjøpt på bruktbutikken i heimbygda mi for 50 kr. Taklampen hang i huset vårt då vi kjøpte det og etter ein idè frå Rom123 har den fått trekuler i ulike fargar på ledninga og grønmala ring rundt skjermen. Blei skikkeleg fornøgd om eg skal seie det sjølv :-) . No er det ein bildevegg som er planen. Satser på å få den i havn før jul ;-) !

Fortsatt god helg til deg som er innom!

MAAAT!!...

2011-07-08T21:42:00.000+02:00

Potetsalat, tomatkompott og feta-og sitrondipp

Melon-og bringebærsalat og foccatia.

Oksespyd og kyllingspyd.

...roper eitt-og-eit-halvt-åringen og kjem springande ut på kjøkkenet. Kven er han lik, skal tru? Kan det vere mora ;-)?

Eg er nok over middels glad i mat og også over middels glad i å lage mat, i alle fall når eg har tid og overskudd:-) Etter at ferien begynte har eg virkeleg fått testa ut litt på kjøkkenet. I ein travel kvardag blir ikkje utprøving av nye oppskrifter høgt prioriert, så no var det kjekt å prøve noko nytt igjen! Denne gongen var det alternativ til pølse, kotelettar, potetsalat med rømme og grønn salat med dei vanlege ingrediensane, eg var ute etter..

Nokre oppskrifter frå Bolig Liv/ ROM123, ei frå Bolig pluss, ei oppskrift frå Sweet Paul i KK og to eg hadde frå før, vart etter nokre timars kokkelering, eit herleg måltid. Med mamma, søstra, mannen, minien og meg sjølv som testpanel vart vi einige om at dei nye oppskriftene glatt kunne leggast til grillrepotuaret. Men trur ikkje eg gidd å lage alt samtidig på ei stund igjen enda :-)

Potetsalat med dill, mandlar og parmesan, feta og sitrondip, søt tomatkompott, melon og bringebærsalat, grillspyd med yoghurtmarinert (+ indiske krydder) oksekjøtt, lime/garam masala- marinert kyllingspyd og foccatia. Mange spennande smakar!

Ha ein fin sommerkveld der ute!

Tunfiskrøre og frokostdessert...

2011-06-11T11:31:00.000+02:00

Det er så godt med slike fredlege morgonar. Ikkje fredleg i den forstand at ein kan sove til ein sjølv vaknar, men meir det å ha tid til å dekke skikkelig frokostbord, lage god frokost og ete, slappe av og kose seg ilag. Utan tidsskjema. Det er ein god start på dagen det. I dag fekk eg lyst på tunfiskrøre, og på varme rundstykker var det dirkete nydeleg. Dei to andre rundt bordet var visst einige og vi gomla og kosa oss alle tre.

Noko av luksusen med slike helgefrokostar er at vi unner oss "frokostdessert". I dag var det kaffelatte og heimelaga cookies, ikkje daglegdags og dermed ekstra luksuriøst for oss her i heimen :-).

Her er ca.- oppskrift på tunfiskrøra om noko er interessert:

Tunfisk på boks
hakka rødløk
paprika i små bitar
litt mais
litt rømme
litt meir majones
litt salt
meir pepper
enda meir karri

Bland saman, less på varme rundstykker ilag med salat og tomat og nyyyyt!

Ha ein fiiin laurdag!

Litt stueoppfrisking og batterilading...

2011-06-09T20:55:00.000+02:00

Det blei omsider litt stueoppfrisking her hos oss. Ting tar tid og blogging har ikkje vore høgt prioritert i den travle kvardagen. No har kroppen gitt sine signal på at det er på tide å slappe av og derfor har eg hatt eitpar rolege dagar og lada batteriet. Då fekk eg også tatt meg ein liten knipserunde :-) .

Aktiv matros..

2011-05-29T22:10:00.000+02:00

..av med lokket, oppi puffen, sette seg ned, dukke opp igjen, klatre ut, klatre oppi igjen. Minien var i full aktivitet på rommet sitt etter endt dag med konfirmasjon iført matrosdress. Var visst mykje som skulle ordnast der inne før han var klar for kveldsgrauten:) Skjønningen!!

Paris love og Dynamitt- Harry...

2011-05-15T22:56:00.001+02:00

Paris love - bildet og det blomstrete stoffet er nyanskaffelsar til stua. Føler for å friske opp litt, og helst på ein kjapp og alldeles nydelig måte. Det er jammen lettere sagt enn gjort.. Men eg synest dette bildet var veldig tøft og blei inspirert til å dra inn litt rosa og rødt i stua igjen. Er ikkje så mykje av det ellers her, men no er det jo vår og då er det lov å gå litt amok med fargane! (Er vel strengt tatt det ellers i året også..). Fann det fine stoffet på bruktbutikken i påska. Blått går alltid igjen hos oss. Perfekt til ei pute i sofaen. Satsar no på stueoppfrisking!

Den store dynamittkassa som den vesle dynamitt- Harryen sitt oppe i, fann vi i kjelleren vår. Fekk den tydelegvis med på kjøpet då vi kjøpte huset vårt. Var eindel sementrestar i den, men reingjering pågår og hjula er kjøpt inn, så eg trur det kan bli riktig så bra.

No ventar senga og videre ei ny arbeidsveke med eit herleg avbrudd på tirsdag. Minien har fått ny matrosdress og har vifta med flagg og ropt heia heia i mange dagar allereie. Klinkande klar for sin andre 17. mai med andre ord. Trur det kan bli artig eg!

For tida...

2011-05-06T22:11:00.001+02:00

...plukker vi inn vårblomstrar frå eigen hage, utforskar nærområdet i strømpebukse og nye joggesko, finn nye bildefavorittar og anna knas til det nye gjesterommet i kjelleren og lagar mengder av smoothies i den nye blenderen vår.

Vi har det godt!

Luke karse...

2011-04-30T10:38:00.000+02:00

..må gjerast det òg! Og den som har planta karsen tar seg av lukinga sjølv :-)

Prosjekt, prosjekt...

2011-04-16T10:28:00.001+02:00

Det er alltid eit eller fleire prosjekt på gang i heimen. MEN det tar si tid! No er det gjesterommet i kjelleren som surrer rundt i topplokket.. Der er eindel blå -og lillanyansar for tida. Er så FINT synes eg!

Ellers er det påskeferie i heimen og det er jo rett og slett heilt fantastisk deilig!

God helg til deg!

Hmmm, interessant...

2011-04-10T22:11:00.000+02:00

Jammen var det ikkje så vanskeleg å få store bilder på bloggen! Eitpar klikk av min hjelpsomme mann var nok, så kom det opp store, fine bilder. No er det slutt på mikroskopiske bilder her i gården!

Synes dette bildet av skjønningen vår matcha tittelen bra. Den kjempefine Mariusgenseren har mamma strikka og den er bruk kvar dag.

Ha ei god veke, snart er det påske, yeah!!

Bestefarhylle...

2011-04-07T20:15:00.004+02:00

Det har kome opp ei hylle på vesleguten sitt rom og den har bestefaren hans laga på sløyden! Eg redda den ut av mørkekjelleren heime hos mamma og pappa i jula. Trur kanskje ikkje pappa hadde trudd at nokon ville henge den opp på veggen igjen:) Synes den var fin eg!

Fiiin kveld til deg!

Tapas light...

2011-04-02T23:52:00.008+02:00

Tapas light, kaller vi det: Kjøttbollar med feta og choritzo, tzatziki, focaccia og deilig salat. Nokre kjeks og ost blei det også i dag, men som regel er det bytta ut med bacondadlar. Bacondadlane hever etter mi meining tapas light`en til nye høgder! Dette var var altså kveldens meny.

Ellers har vi ikkje ligge på latsida her i dag, men fiksa og ordna på rommet til vesleguten, handla lister og mailing til gjesterommet og div. andre prosjekt. Håper å kunne vise til resultat om ikkje så lenge!

Fortsatt god helg til deg som ser innom!

Endeleg...

2011-03-26T20:59:00.008+01:00

Knottar på skapet frå Grøn lykke og knaggrekke frå Tiger, begge frå høggravidturen til København.

Hylla som min farfar Amandus har laga.

Kosekrok, foreløbig for elefant og kanin..

Knagg frå Kremmerhuset som har fått papir på seg i dag.

...gjesteseng-fritt barnerom!

Det betyr også at gjesterommet i kjelleren er så godt som ferdig! Manglar siste strøk maling på eitpar veggar, for plutseleg begynte det ein landskamp:) MEN det lovd ordna på i løpet av kvelden, i alle fall viss Noreg vinn, så no heier eg for harde livet her.

1,50- gjestesenga er ute av rommet til vesleguten og komen ned i kjellergangen på vent. Den kjende tapeten Rush Hour bestilte vi og fekk opp på veggen sommaren før vesleguten vart fødd. Sjølv om eg har sett den på veeeldig mange barnerom sidan den gong, er eg framleis like glad i den og fornøgd med at vi valgte nettopp den:).

Det er ikkje rare innreiinga på barnerommet så langt, men farfar- Amandus- hylla med Blafrepapir har fått kome inn. Dei første månedane søv vesle- Amandus i ei nydeleg seng som pappa`n hans og onklane har sove i. Men når klatreferdighetene begynte å utvikle seg, gjekk vi over til glatt, høg reiseseng. Ikkje like fin, men meir praktisk og trygg akkurat no. På senga heng eit nysydd teppe med fleecebakside.

Romeigaren sjølv virka veldig fornøgd med det nye rommet sitt. Rett som det er susar han inn dit, spinn eit par rundar med leikebil og campingvogn (nyopna leike) , riv ned det eg sett opp i hylla og kvitrar glad:).

Det blir nok meir barnerom her etter kvart som vi finn gode løysningar der inne! OG forhåpentlegvis litt gjesterom også om ikkje så lenge. Hurra!!

God lørdagskveld til deg!

Så fint, så fint...

2011-03-25T21:04:00.004+01:00

Eg såg dette lekre kaffeserviset i bruktbutikken i heimbygda mi. Synest det var SÅ fiint! Fornuften og tanken på mannens reaksjon om eg hadde kome drassande med fleire koppar bråstoppa meg. Han har nemleg ei heil kasse med krus som vi desverre ikkje har plass til andre stader enn i kjellerboda.. (les reklamekoppar o.l) og det blir eg relativt ofte minna på. Sikkert ca like ofte som eg ymter frampå om nye koppe- og krus innkjøp..:-)

Mi snille mamma hadde fått med seg at eg hadde falt for det serviset og på bursdagen min fekk eg ei bildemelding av ein av dei søte koppane. Gjett om eg vart glad! Så no er serviset mitt, heilt utan dårleg samvittighet. Herleg!

Litt kjøkken på ein onsdag...

2011-03-16T14:25:00.003+01:00

Nokre småglimt frå kjøkkenet vårt. Ute skin sola og det er faktisk vår i lufta, hurra!

Spisestue...

2011-03-12T19:36:00.012+01:00

Favorittskap i favorittfarge med favorittinnhold..

..både inni og oppå!
(Kunne ikkje fjerne Gaffateipen for bilde si skuld. Det bor tross alt to mannfolk her i huset også:))

Stort spisebord med ulike arva stolar..

Medan eg stod på ein stol for å knipse eit ovanfrå- og- ned- bilde, hadde ei lita linselus kome seg opp på bordet for vere med på bilde..:-)

Bildet på veggen fekk vi i bryllupsgave

Gammal stol som eg heime hos mamma og pappa. Synes den er så fiin!

"Spisestue" høres både fint og litt høgtidleg ut og eg synes eigentleg ikkje det passer til den delen av stua vår der vi har spisebordet.. Eg har vist fram denne delen av stua før, men det var så herleg å dsjå agslyset her inne igjen at eg fekk lyst å knipse nokre bilder i formiddag.

Vitrineskapet er ein gammal Ikea- modell som svogeren og svigerinna mi ikkje lengre hadde bruk for. Det blei mala i favorittfargen og nye knottar vart sett på. For tida er det fylt med knuselige skattar og tjora igjen med eit hårstrikk til veslegutens store fortvilelse.

Spisebordet og skjenken er frå rett etter krigen og det har vore bestemor og bestefar sitt. Er så glad for at vi har fått det. Inne i skjenken er hyllepapiret til bestemor framleis inntakt, koseleg!
Ellers så er eg litt usikker på om bordet (som no er svart) skal bli kvitt, og om eg skal male skjenken i samme slengen. Vi får sjå når våren kjem!

Den gule lampen er frå eit loppemarked og eg må sei meg ganske så fornøgd med den:-)

I dag har det snødd og hagla, men heldigvis har vi også sett sola og hørt fuglane synge så vi er ved godt mot!

Fortsatt god helg til dei som kikkar innom!

Superheltar...

2011-03-11T23:49:00.001+01:00

Det susar og går her hos oss og denne veka har vesleguten vore på sitt første karneval i barnehagen. Tips til utkledning fann eg på Listebloggen og det var genialt for ein liten tass som ikkje likar å ha nokon på hovudet eller ikkje står stille lenge nok til at han kan bli mala i ansiktet. I tillegg er antrekket komfortabelt for mini-Supermann sjølv, heimesnekra og laga av det vi hadde i hus og derfor så godt som gratis. Eg klipte av fronten på ein supermannbabydress i str. 56 og sydde den på ein litt liten raud body. Blå superheltkappe er blått velurstoff som er rynka og sydd på bodyen med ein enkel saum. Bodyen utanpå strømpebuksa og vips: verdens søtaste Supermann!

Mamma`n til Supermann er Pippi..i vert fall i vår familie:) Med heimesydd Pippikjole og strømper, streng i flettene, mannen sine finsko og lommene fulle av gullpengar må eg sei eg trivdes godt som min barndoms heltinne. Må innrømme at eg falt for fristelsen og løfta eitpar små elevar høgt oppe i lufta, då dei prøvde seg med at eg sikkert ikkje var like sterk som den ekte Pippi..:) Artig med karneval!

NIB- utfordring og anna stuestæsj...

2011-02-06T20:28:00.009+01:00

Tre nye skuffer i ein mini skuffeseksjon (!) kjøpt på Nille har blitt piffa opp med pyntepapir på frontane. Ei skuffe til smukkar, ei til pennar og ei til hummer og kanari som treng å bli rydda vekk i ein fei. Den turkisblåe boksen er full av London- te og på toppen av den har to telysestakar fått plass så ikkje vesleguten skal få tak i dei. Når han er lagt kjem dei på bordet, men på dagane har dei det tryggast der oppe:).

Ombytting på ting i tallerenhylla i stua gjer susen! Eg liker å bytte om på ting og tang relativt ofte. Ting inn i skapet og ut av skapet, ting opp frå kjelleren og ned att i kjelleren. Den hadde kanskje vore fin ilag med den og då passer kanskje det til den osv. Synest rett og slett det er forfriskande å kvile augene på ei ny og fin samansetting. Og så blir eg så fornøgd når eg synest eg får det til (og lettere irritert når eg ikkje gjer det..) og seier til mannen: "Vart ikkje det fint??!". Og han er aldri negativ han, men har kanskje ikkje den heilt same iveren og gleden som meg på dette området:)

No kryssar vi fingrane for ei god veke med mykje overskudd og friske store og små! Ønsker det samme for deg som kikkar innom!

Tripp Trapp- makeover!

2011-02-04T22:33:00.005+01:00

No er Tripp Trapp`en til Amandus kome opp frå kjelleren! Fann den på Gjenbruken då eg ca fem mnd på vei. Den var rosa og slitt, men har no fått makeover og har gjenoppstått grøn og lekker. Trur eg betalte 150 kr for den og det må jo seiast å vere eit kupp!

Den mangla dessverre bøyle og etter ein butikkrunde fann eg ut at dei ikkje lengre produserer bøyler til "gamle" Tripp Trapp- stolar. Grrr..freste kjerringa (altså eg) og syntes at dette var litt vel idiotisk.

MEN så reiste mannen på jobbkurs til Ulsteinvik og det viste seg at det lønner seg å spørre etter "gamle" Tripp Trapp- bøyler på barnebutikkar i litt mindre byar (for Ulsteinvik er faktisk ein by!). Bøylen kosta 350 kr (inkl. pruting!), så sjølv om det er litt komisk med tanke på prisen på stolen, så får vi seie oss fornøgde med den samla prisen!

Som de ser er eigaren av stolen både stolt og fornøgd med den "nye" stolen sin.

"Smular er også brød"...

2011-01-29T20:47:00.005+01:00

"Smular er også brød" sa bestemor ofte og åt opp smulane på tallerkenen sin. Vesleguten lever etter samme prinsippet og et sine eigne eller andre sine smular og restar så fort han får sjansen. Trur ikkje det er oldemora si nøysomhet han har arva, han er berre veldig matglad han:-)

Olivenbollane frå Kaspara sin blogg er ei oppskrift eg trur mange har testa ut og fått smaken på, og det med god grunn! Herlige er dei, perfekt lørdagskos med tzasiki, kjøttboller i tomatsaus og gresk salat til. Her blir det lite smular igjen for å sei det sånn:)

Gult er...fint!

2011-01-20T15:05:00.004+01:00

Baksida

Det blir lite blogging og kreative innslag her i huset for tida. Full jobb, barnehagetilvenning og medfølgande basseluskar gjer at det er lite tid og overskudd igjen til resten.

Har likevel pusla litt innimellom og laga nokre innslag av gult og litt brunt i stua vår. Har plukka vekk nokre andre fargar, men ser at lilla og turkis må få lov å vere her ei stund til. Klarer liksom ikkje heilt å tone det ned eg. Har fått sydd trekk til ei kjempepute (lys med svarte prikkar) frå Stoff og stil også. Veldig kjekk å ha på golvet både for store og han lille.

Hadde behov for noko nytt i tallerenhylla og mekka eit mini scrapbookingbilde. Holdt mykje på med det tidlegare og det var skikkeleg kjekt å leike seg litt med scrapbooking igjen! Den observante sjåar ser kanskje at ein liten stoffrest frå puta fekk vere med i bildet.

No gler vi oss til helga og bestemorbesøk!

Små romjulsfunn og drømmen om det enkle..

2011-01-02T11:57:00.001+01:00

Fann denne fantastisk fine "Mode album, høst- vinter 1951- 1952" på Gjenbruken. Skikkelig fint holdt hefte, med kjempeartige bilder av fjonge damer med mikroskopiske midjer. Mamma kjente igjen fleire av bestemor sine drakter som ho fekk sydd etter krigen. I bakgrunnen ligg bestemor sitt "omstenighetsforkle" (=mammabluse), eit stoff eg fann på kottet heime og mamma sitt knøttlille, korte skjørt som ho brukte som tenåring.

Kanskje er det ein liten overdose av julerødt, gull og glitter som fører til at behovet for det enkle og meir nedtona melder seg. Eg er stadig innom bloggar og beundrer heimar med mykje mindre farge enn det er hos oss. Eg kan nesten ikkje sjå meg mett på blogger som Moa og kaffekoppen. Nyydelige bilder og fantastiske samansetningar. Eg drømmer litt om å ha det slik, men innser at eg er for glad i fargar til å kjøre løpet heilt ut. Då er det fint at det er lov å mikse og trikse og plukke litt herfra og derfra. Trur eg er klar for litt meir grått, natur og ein tanke gult i heimen no i januar. Blir nok ikkje dei heilt store krumspringa på blog- og interiørfronten på grunn av den nye jobben og barnehageoppstarten til vesleguten, men nokre småting håper eg å få til.

Nyt den andre dagen i januar 2011! Det skal eg:)

Nytt år, nye utfordringar og gamle ting..

2011-01-02T00:12:00.002+01:00

Frå Botanik for Middelskolen, funne på "Gjenbruken".

Det er godt å tenke på det nye året som ligg framfor oss. Eg trur det blir eit godt år. For vår lille familie blir nok oppstarten av 2011 ein smule hektisk med oppstart i barnehage for vesleguten og ny jobb på mamma`n. Spennande blir det og vi håper og trur at det blir kjekt for oss begge to. Håper at den tida vi får ilag kan vere kvalitetstid, at vi klarer å unngå (i alle fall store mengder av) tidsklemma, at vi klarer å prioritere rett i forhold til korleis vi bruker tida vår. Kanskje litt ambisiøst, men det er viktig å sette seg mål.

I tillegg suser orda "kjøpe mindre", "bruke det ein har", "vere fornøgd med det ein har..og takknemlig" rundt i hovudet mitt. Eg får mykje inspirasjon her i blogglandia og er ekstra glad for å bli inspirert i rett retning på dette området. Det vil eg bli bedre på i 2011!

Godt nytt år!!

2010-12-31T21:49:00.000+01:00

2010 er snart forbi og vi er takknemlige for det gode året vi har hatt. Stjerna i året som gjekk var sjølvsagt herlige Amandus`en vår! Tipper i grunn han går av seieren som stjerne for 2011 også:) Med denne hjerteknuseren vil eg ønske dykk alt godt for det nye året!

NAM! Sarah Bernard og snø...

2010-12-10T09:37:00.004+01:00

Sarah Bernard

Amandus ute i snøen og leika og et snø for første gong..:)

"NAM!" er for tida husets mest sagte ord. Etter eittårsdagen har Aamandus fått smaken på "nam" og trur det meste han møter på sin vei er noke herleg etande:) Ein fargerik knott, ei dame i køa sine knallraude lakka neglar og utsikta ut vinduet ein morgon vi våkna og alt var kvitt. "NAM!" ropte han då og peika ut. Veit ikkje om det er assosiasjonar til isen han fekk smake på syden eller kva, men då vi gjekk ut for å ake og herje i snøen la han seg rett ned og begynte å sleike i seg snø. Det er vel eigentleg slik dei fleste ungar gjer, men då han la seg ned for å ete snøen i gangen etter at vi var komen inn igjen, satt mora foten ned..usj!

For to år sidan kom eg over ei oppskrift på Sarah Bernard på bloggen Livet er heeerlig. Her snakkar vi NAM på høgt nivå etter mi meining. Dei er mektige, men fantastisk gode! Det er vel ei sånn "kake" som folk kanskje seier at det er nok med ei, medan eg kanskje synest tre er passelig:) Oppskrifta finn du her.

Eg leita litt for å finne att oppskrifta og kom over fleire andre variantar og då blei resultatet ei blanding. I staden for å blande kransekakemassen ut med eggekvite og lage toppar, kjevla eg den berre ut i ca 1 cm tjukkelse og trykte dei ut med ei lita form og spruta kremen på med ei kakesprøyte. Var effektivt og greit. Kan vere lurt og sette dei i kjøleskapet litt etter at kremen er spruta på og la sjokoladen avkjøle seg litt, slik at ikkje kremen smeltar. Lykke til om du vil prøve!

God helg!

Ekte englar har rødt hår og adventsneglar!

2010-12-06T22:54:00.002+01:00

Visste du at ekte englar har rødt hår?! Det veit eg..og det gjer sikkert alle andre med rødt hår der ute også:) Eg samlar på desse ekte, men heller litt sjeldne englane.

I forrige veke var Amandus og eg på besøk hos ei venninne av meg og den skjønne eittåringen hennar. Medan småttisane sov, fekk eg ein aldri så liten nail- make- over av ei profesjonell. Resultat: Adventsneglar!

Fortsatt god adventid!

Adventspynt...

2010-12-04T23:33:00.001+01:00

Det er vel egentlig på grensa til frekt å publisere slike solfylte bilder som eg gjorde i forrige innlegg. Tok meg ei lita veke tilbake i kulden å innsjå det:) Det er vel meir på sin plass med litt adventspynt!

I dag forsvann dagslyset for meg før eg fekk tatt bilder, men viser fram nokre "papir- kuler" eg laga for litt sidan. Lette og raske å lage og dekorative der dei heng høgt oppe i vindauget slik at Amandus ikkje får tak i dei:) Han er i alle fall tydelig begeistra, spesielt når lufta frå varmepumpa får "kulene" til å snurre. "Ååååh" seier han og måper og peiker, skjønningen!

Duken er frå bruktbutikken og vasen frå Rice.

Ferieglimt

2010-11-29T10:52:00.006+01:00

Vi har hatt tidenes herligaste veke. Familieliv, strandliv, avslapping, besteforeldrebarnevakt, god mat og deeeilig temperatur!

Litt kjedelig at lille prinsen fekk feber etter heimkomsten, men det er vel sånn ein må rekne med når temperaturforskjellen går frå 25 herlige grader til 10 ganske mykje mindre herlige minsgrader på få timar. Satsar på at han er frisk og rask igjen veldig snart! Det blei nok litt nedtur for han å kome heim til ullstrømpebuksa for han har virkeleg kosa seg i varmen, bada, ete is..og eindel sand, og ellers skine om kapp med sola der nede:)

Fiin dag til deg som kikker innom!

Inntog av lilla..

2010-11-18T12:26:00.005+01:00

Det nærmer seg desember og hos oss er det meir og meir inntog av lilla.

Har sydd ei ny pute med eit bilde av eittåringen på. Fleire andre lilla puter har funne vegen til sofaen, ei lilla og grå vimpelrekke er kome opp i vinduet og den grøne tavla er bytta ut med den eg trekte med lilla soppestoff i fjor til advent.

I fjor satt eg her med ein ein-måned-gammal baby og kosa og amma meg gjennom adventstida.. Herlig var det:-) Trur det blir herlig i år også! Skal nyte tida heime i det fulle med den skjønnaste eittåringen, for over jul begynner han i barnehage. Hjelp som tida flyg!!

God før-adventstid til deg!

Blueberry Bliss

2010-11-09T10:40:00.007+01:00

Blueberry Bliss- ein favoritt!

Det passer sjelden å bli sjuk og ikkje denne gongen heller. Tusen ting eg skulle gjort og ikkje minst husmorferie(!) i sikte. Satsar alt på å bli frisk og rask igjen til den tid!

London- te er ein favoritt og er heilt utan koffein slik at den kan drikkast både tidleg og seint. Blueberry Bliss med herleg smak av blåbær og med ei lita skei honning gjer den susen for ein sår hals.

Fann denne søte pyntetallerkenen ("Kjærlighet må deles") for ei tid tilbake og bildet av dei to ungane minner meg om då eg var lita. Det er lite veggplass på kjøkkenet vårt, og sidan eg ikkje er nokon minimalist utnytter eg den plassen eg har:) Fann ut at tallerenen passa mellom kjøleskapet og dørkarmen, over bursdagskalenderen til Blafre. Kunne fint ha passa nedanfor kalenderen også, men så har vi den lille klartemusa vår som meir enn gjerne tek Ikea-trappekrakken i bruk for å nå det han vil ha tak i.

Bursdagskalenderen er forresten heilt genial for ei småbarnsmor som ikkje lengre huskar bursdagane til folk!..og så er den veeeldig fin:-)

NIB utfordring: STUE

2010-11-04T11:08:00.010+01:00

Dette var det beste eg klarte i novemberlyset..grumsgrums!

Skeivt bilde sa du?! Berre legg hovudet litt på skakke så blir det beint:-)

Klart vi må vere med på NIB si utfordring!

Sånn ser sofakroken vår ut for tida. Var litt vanskelig å la vere å få med ei barnebok eller ein liten bil, men trur eg har klart det. Vinduskarmane er heilt tomme for tida pga han som turner i dei til dagleg, så valgte å berre ta sofakroken denne gongen.

Sofaen er tidenes kjøp frå ein familiedag på Living (dag der familie eller slekt til ansatte kan få god rabatt, genialt). Sofaen er stor og god, super for høge folk (som oss) og herleg å krype opp i. Bordet er frå Fretex og tallereknhylla er den som har henge på kjøkkenet til mamma og pappa i omtrent heile min oppvekst. Putene som er heimesydde er laga av bruktstoff og ei av Isak-posen som tilhørte Isak- fatet mitt. Traktorputa er frå Kremmerhuset. Bildet på veggen er mala av ei god venninne av meg og er ein bryllupspresang. Nips og bilder er ei blanding av nytt og brukt.

Takk for at du stakk innom og legg gjerne igjen eit ord eller to så eg ser kven du er og kan besøke deg!

Isak og Ikea

2010-11-03T16:29:00.003+01:00

Eg liker dette runde brettet til Isak så godt! Og flaskene frå Ikea er ikkje så verst dei heller. Lekkert design og perfekte fargar.

God onsdag!

Vimplar i vinden!

2010-11-01T11:08:00.004+01:00

Vimelrekkene er verkeleg vinden for tida! Eg ligg som alltid litt etter og har nylig fullført mi første. Det skal seiast at den faktisk har vore halvferdig sidan før eittåringen vår vart født, men i mangel på eit ferdig barnerom å henge den på, sank inspirasjonen og andre ting har blitt prioritert på syrommet. MEN det er klart gullguten måtte få bursdagsvimplar til eittårsdagen sin! Og DET fekk han, MED navnet sitt på:)

Ellers et vi kakerestar etter gårsdagens familieselskap og fortsetter å smelle ballongar her hos oss:) God veke til alle besøkande!

Bursdagsbaluba!

2010-10-29T23:21:00.007+02:00

Muffinsmorro!

Amandus i finstasen klar til kakespretting, med berre litt slakke bukseselar...

Så vidt i gang! Mmmm, grøn kake!

Verdens herligaste gut er eitt år gammal i dag!! Koseleg besøk, flagget til topps, ballongar i taket og grøn sjokoladekake oppetter veggane og i ansiketet på ein jubilant i storform.
Er KJEMPESTOLT av å vere mamma`n din Amandus! Gratulerer med dagen godguten vår!!

Kaffekopp hjertehopp..

2010-10-25T11:41:00.002+02:00

Overskrifter på innlegg er heilt klart ikkje mi sterkaste side, så då er det like greit å skrive det første ein kjem på.

Altså..men eg må innrømme at det blei eit aldri så lite hjertehopp på meg då eg såg denne kaffekoppen på "Gjenbruken". Eg har tidligere to tefat i samme serie som eg liker veldig godt, men hadde aldri sett kopp som hører til før. Sidan kopp og tefat blei solgt som sett, er det no to tefat som er veldig einsame utan kopp, spesielt no når dei ser bort på det nyaste tefatet som har fått kopp! Uansett..håååper eg finn eitpar koppar til!

Denne helga har eg dessutan drikke så mykje kaffe at det har blitt litt ekstra hjertehopping for min del. Eg får nemlig hjertebank av store mengder kaffe. Denne hjertebanken er ikkje like behagelig alltid, men i helga var det vel verdt det. Har hatt besøk av ei venninne som bor i Oslo og vi har berre skravla, slappa av, drikke kaffe og kosa oss heile helga. Skikkelig opplading og veldig triveleg!

No blir det nokre dagar med knekkebrød før det brakar laust med eittårsdag og sansynlegvis sjokoladekake oppetter veggane frå og med fredag og tre dagar til ende! Vi gleeer oss!

Kommode til barnerommet og ein gla` -lampe!

2010-10-20T22:55:00.005+02:00

Den ferdigmala kommoden har forløbig fått plass i gangen, men skal inn på lille A sitt rom etter kvart. Eg har sett at fleire har latt seg inspirere av fantastiske Precious. Heilt sidan eg såg bilder frå heimen til dama bak Precious i Rom123 for eitpar år sidan, har bilda av det brent seg fast hos meg. Leikent og fargerikt, rett og slett herlig! Ei god stund før A var født, fann eg ein passande kommode på Fretex og hadde planen klar. Ting tar tid og sidan rommet til A blir brukt som gjesterom også har eg utsett prosjektet lenge og vel, men no er det altså gjort. Eg såg opprinnleg for meg skuffene i annakvar farge (ordentlig Preciousherming!), men syntes det blei bra med to pluss to, så slik blir det foreløbig. Må nok høvle av litt på skuffene fordi dei er blitt skikkelig trege etter malinga, men utenom det er eg kjempefornøgd.

Den gule lampefoten kjøpte eg på årets einaste loppemarked for min del. Den har fått ein sommerleg lampeskjerm av Ikeaskjerm og bruktbutikksengesett. Synest de blei ein skikkelig gla`-lampe!

Blålege tonar..

2010-10-11T17:41:00.003+02:00

Har alltid vore glad i blålege tonar! Dei siste åra har turkis vore ein soleklar favoritt, både på klede og interiør. Spesielt i kombinasjon med grønt eller litt lilla synest eg det er lekkert! Eller gult eller raudt! Eller som på den nysydde puta mi: ulike blålege tonar om kvarandre! To av stoffa på puta er frå ein blåleg stoffpakke kjøpte eg frå Kasparas salgsblogg, det andre er frå Brukten på heimplassen min. Puta har allereie fått plass i sofaen- skikkelig fornøgd! ..om eg skal sei det sjølv..:)

Nisteposen til Amandus i knall turkis. Veldig praktisk å ha eigen pose til flaske, skiver, grautpulver, fruktbeger og smikke!

No lukter det snart nysteikt brød her og vi skal ha kveldsmatbesøk av gode venner. Det gjeld å kose seg, også på ein mandag!

NIB utfordring..

2010-10-06T14:39:00.007+02:00

Etter å ha sett på alle dei fine loppefunna i Nib si utfordring denne månaden, fekk eg lyst til å hive meg på.

Ein av mine favorittar er bordet som tilhørte mine oldeforeldre og stod på kjøkkenet deira. Det er passe slitt og har tre like bein og eit som er litt annleis. Ein kan sjå skøyten mitt på beinet: her er det gamle, øydelagde saga av og ein ny bit satt på!

Stolen, ugla, lampen og stoffet på oppslagstavla er også bruktfunn.

Lille A goes rangi- changi..

2010-09-24T11:32:00.005+02:00

Rangi- changi (nepali) blir brukt om ting om har mange fargar og er eit av dei artigaste orda eg veit om. Eit ord som høyrest ut som det det er!

Akkurat no vadrar det ein temmelig rangi- changi- baby rundt i stua her. Etter inspirasjon frå ei fantastisk kul bukse lille A fekk då han blei født, har eg sydd ei elefatnbukse i samme stilen til han. Herlig sagging, mjuk og behagelig slik at den vesle klatreren vår lett kan kome seg opp i både vinduskarmar og bokhyller utan å bli hindra av ei stram bukse.. Strikkajakka er mi gamle (ca 30 årgamle...)

Tipper han synes eg er sånn passe teit når han i konfirmasjonsalderen ser seg sjølv på bilder og stønner "Mamma, seeeeriøøøst??!", men det får heller stå si prøve. Synest han er søt eg, den lille fargeklatten min!

No skal vi avgårde på husmorferie, juhuu!!

Stolfornying

2010-09-15T20:47:00.006+02:00

Då vi var nyinnflytta og medan vi venta på bestilt sofa, hadde vi ein svært fargerik sofa i stua. I tidlegare innlegg har eg omtala den som: "min mann si store kjærleik, forhåpentlegvis etter meg!". Madrassa til sofaen blei brukt til å sole seg på i fjor sommer og vips så hadde ein katt også tatt den bruk og vips så lukta den kattepiss..ikkje særleg lekkert!

Men putene til den blomstrete herligheta var godt bevart i kjelleren og sjølv om eg syntes at sofaen var litt vel voldsom, synest eg faktisk at stoffet er riktig så festlig i små porsjonar. No har ein kvitmala pinnestol fått gammalt blomstrete sofastoff på sete! Bytta ut "gravidstolen" som har vore veldig god å ha på kjøkkenet, men den nyoppfriska pinnestolen. Gravidstolen har fått seg ny pute av ei loppisgardin og kome seg inn på stua. Kjekt med litt enkel fornying!

Gammalt lampenytt

2010-09-10T09:18:00.004+02:00

Endeleg fekk eg fiksa opp den gamle lampeskjermen eg kjøpte på ein bruktbutikk for litt sidan. Stoffet er frå fjorårests Københavntur og har berre ligge å venta på det rette prosjektet. Lampefoten er ein eg har kjøpt på loppemarked for mala for lenge sidan. Synes dei funka fint ilag eg!

Puta er ei omsydd gardin. Likte stoffet så godt!

God helg til dokke alle!

Eplekjekken

2010-09-07T11:39:00.007+02:00

Var noko litt bondeaktig over Amandusen her synes eg- finingen!

Til bursdagen fekk pappa`n i huset to epletre av sine svigerforeldre. Det eine treet har det kome fleire fine, raude epler på allereie! Mulig det er normalt, sjølv om vi nettopp har planta det, men kjekt er det i alle fall. I helga kjørte vi sesongvarer i matveien. Fårikål til middag og deilig eplepai med epler frå eigen hage til kaffemat. Reine fruktbøndene å rekne! Kjempefornøgd.

Veslebonden var sjølvsagt med han og, for å kvalitetsikre!

Oppskrifta på eplepaien er både enkel og veldig god:

100 g smelta marg
1 dl sukker
1 dl kveitemjøl
2 dl havregryn

Bland sammen og ha det over epler i båter strødd med litt sukker og kanel. Funker veldig bra å ha over blåbær også. Steik på 180 grader i ca 15-20 min. Deilig med vaniljeis til..mmmm!

Soverom underveis..

2010-09-06T22:31:00.005+02:00

Eg er underveis med å fornye soverommet!

Sengegavel (sponplate trukke med vatt og stoff) og bildelist frå Ikea har kome opp, nytt lyst sengesett er kjøpt inn på salg og sengeteppe er under produksjon. Tanken er at eg skal sy stripa med lappar på eit stort kvitt sengeteppe, så blir det lyst og lett samtidig som eg får inn litt farge. Nye (gamle!) nattbord og nye knottar til skapa skal også på plass før eg er heilt ferdig. Bilde av det ferdige resultatet og litt detaljar kjem etter kvart!

Ha ei god veke!

Smekker lekker

2010-09-04T15:38:00.005+02:00

Vi snakker altså om smekker her! Og om det å vere lekker i smekker.. Oki, nok om det.

I vår fekk lille A to skikkelig lekre smekker av flinke K med den fine bloggen Hobbyrommet. Der har eg henta mykje inspirasjon og idèar til syprosjekt så ta deg ein tur inn og sjå!

Eg er i gang med eit aldri så lite sengeteppeprosjekt, så då blir det litt stoffrestar her og der. Med K sin lure måte å lage smekker på får ein brukt opp slike restar og det er jo alltid kjekt! Størrelsen på K sine smekker passer veldig bra, så eg har brukt den som mal. Det blei ei smekke til ei lita bursdagsprinsesse denne gongen. Fleire av lille A sine små venner blir eitt år snart, så ser ikkje bort ifrå at det blir fleire slike. Artige å sy var dei og!

Fiiint...

2010-08-23T17:18:00.008+02:00

Fine fargar, fine former og fine samansetningar...synest eg!

Til slutt eit bilde av den uslåleg fiiinaste!

Gammalt og nytt i sommer

2010-08-13T22:35:00.007+02:00

Sommeren er på hell og det har blitt liiite blogging på meg i det siste. Lille A har kome seg opp på to bein (riktig nok med holdehjelp!)og har som hovedinteresse for tida å rasere.. Dukar flyg veggemellom, lysestakar likeså og plantene blir ribba for blomster. Han er så artig med alt han finn på og utforsker med enorm entusiasme og iver. Men må innrømme at mora blir reint svett..:-)

Ellers har eg endeleg fått opp lampen eg fann på loppemarked i vår! Den egentlige planen var å spraye den, men fann ut at den skal få henge litt slik som den er først..og kanskje blir den hengande slik?

Eit nytt bilde har kome opp på veggen. Liker det så godt!

Hylla er til lille A sitt rom og er laga av min farfar som A er oppattkalla etter. Har kledd hyllene inni med herleg robotpapir frå Blafre. Eit gjesterom er på vei i kjelleren og når det er ferdig skal A få rommet sitt igjen og oldefarhylla kan flytte inn. Blir sååå bra!

Håper det ikkje blir kjempelenge til eg kan kome tilbake med bilder frå det nye gjesterommet! Det satser vi på.

God helg til dokke!

Glimt frå heimen...

2010-07-07T20:23:00.011+02:00

Mamma si gamle tallerenhylle har blitt kvit og kome opp i sofakroken. Er ikkje heilt ferdig med å sette opp ting i den, men sette opp det eg hadde for hand der og då..

På skjenken blei det ny lappeduk her om dagen. Har framleis litt soveromsassosiasjon pga dei gamle sengekleda, men likte så godt fargane saman. Friska opp gjorde det også! Hadde nokre lappar til overs, så trur det blir ei pute til sofaen etter kvart.

Den svarte Roberts radioen fekk eg av min kjære til 30 årsdagen min! ..og ny kjøkkenlampe vart med heim frå Ikea i forrige veke.

Fann denne nydelege broderte duken i bruktbutikken i heimbygda mi. SÅ fint broderi og perfekte fargar ilag. Heeeilt etter min smak!

Lille (store!) A i leikegrinda eg hadde då eg var lita. Veldig kjekk å ha når ein må sette på klesvask eller gå på toalettet. Han har verkeleg fått fart på seg, så no tør eg nesten ikkje sleppe han av syne..Då var det kjekt at han kunne arve mamma`n si leikegrind:-)

God kveld til dokke alle!

Spisestue i endring,..

2010-06-27T19:32:00.007+02:00

Før..

Etter..

Endeleg har eg kome i gang med spisestua! Er litt feil å kalle det spisestua for det er berre ein krok i stua. Ein krok eg ikkje har via så mykje oppmerksomhet, men i det siste har eg kjent at her trengs det verkeleg ei oppfrisking. Den er blass og litt kjedelig stakkars... Eg har grubla eindel og plukka opp/hatt ulike idèar: nye gardiner, ny lampe, evt. spraymale ein loppislampe gul, malestuebordet og stolane, ulike stolar i ulike fargar, male skjenken svart (hører opprinnleg til bordet og stolane) eller male den kvit, eller ein anna sprekere farge.

Mi utfordring er at eg er kjempeglad i fargar, samtidig som eg liker veldig godt å bytte om på ting og fargar i heimen. Hadde eg mala skjenken gul, hadde det garantert irritert meg f.eks. i jula..for å sette det litt på spissen. Då gjeld det å halde basen i rolige fargar og heller sette farge på det eg kan bytte ut, har eg hørt.. Men det kan fort bli litt kjedelig, i alle fall har det blitt det i denne kroken synest eg.

Er fornøgd med den første endringa, som er dei kjempekjekke bildelistene frå IKEA. Medan eg venter på fleire familiebilder, har eg sett opp litt hummer og kanari. Synest det friska opp allereie eg! Desse geniale listene, fyller kriteria mine fullt ut: det kan plasserast mykje fint og artig oppå dei, samtidig som eg kan bytte ut når det passer meg!

Eg vil veldig gjerne ha tips om kva meir eg kan gjere med denne oversette kroken i stua! Har f. eks. veldig lyst på ein tøff lampe som gir kroken litt meir særpreg, men som lett kan kombinerast med det meste.

Latte pronto...

2010-06-02T17:57:00.004+02:00

Eg vil på ingen måte kalle meg sjølv ei by- jente, snarere tvert imot. Men visse varige mèn har eg fått etter eindel år i Bergen by. Det var nemlig der eg verkeleg fekk smaken på kaffe og ikkje minst den ekstra herlege kaffe latte- en. No har vi vent tilbake til bygda og eg drøymer om at den fine bygda vi bor i snart skal få seg ein koseleg kafè der dei serverer deeeilig kaffe latte og f.eks. muffins:-) DET hadde vore noko det!

Medan eg venter, kan eg leike kafè her heime hos meg sjølv. Kjempefornøgd med den nye Latte pronto-en min, som eg fekk til 30 års dagen min (dvs kjøpte for pengar eg fekk). Den varmer og skummer melk, slik at eg kan lage skikkelig kaffe latte med herleg skum på toppen på ein- to- tre! Med brunt sukker i skuffa og dilla på å bake ulike muffins og cupkakes, så blir det reine kafèsteminga i heimen.

Kaffe latte med ein stor oreo- muffins til! Mmmmm...

Babyreisestol...

2010-05-30T20:01:00.006+02:00

Eg har sydd ein babyreisestol!

Det er ikkje overalt kvar ein kjem dei har babystolar. Og med ein liten kar som helst både skal holde skeia og banana sjølv, kan det vere ei viss utfordring å ha han på fanget når han skal ete. Stolen tar liten plass i veska og er på den måten grei å ha med seg på besøk eller på bytur.

Eg fekk tipset og mønster til stolen av ei venninne, og sidan eg ikkje hadde sett ein slik stol før, forklarte ho meg korleis den skulle sjå ut. Litt usikker på om resultatet er slik som den opprinnelig skulle vere, men trur det vart sånn ca.

No er babyreisestolen ferdig og Amandus har testa den ut her heime. Han var ikkje heilt villig til å sitte i den med ein gong, men med litt avledningsmanøver og hjelp av ein tøysete pappa, gløymte han at han ikkje ville sitte der og heller smilte og lo.

Vi lever!

2010-05-26T13:57:00.003+02:00

..og har det BRA!

Sjølv om det på bloggen ser ut som vi har forsvunne i lause lufta. Det er lite tid som blir brukt framfor dataen for tida. Tenker i ny og ne, at DET hadde det vore kjekt å laga eit innlegg om på bloggen, men det har blitt med tanken.

Vil ikkje love gull og grøne skogar for tida framover, men har som mål og vere litt flinkere enn eg har vore i det siste.

Det er så herleg å nyte våren, veret og ikkje minst go-guten vår at det nok blir høgast prioritert framover også:-)

Ha ein herleg dag alle sammen!

I gang...

2010-03-03T12:10:00.006+01:00

Eg er i gang med yttergangen! Eit lite kvitt rom, som eg synest det er vanskeleg å gjere noko med.. No har eg i alle fall fått hengt opp noko på den eine veggen.

Er så glad for at mannen min i mange år har tatt vare på desse gamle skilta frå ein bensinstasjon! Synes dei er så artige!

Morsdag, middagsanbefaling og mammagutt...

2010-02-18T13:47:00.003+01:00

a
Medan de fleste andre for lengst er ferdige med helgas bloggtema, ligg eg ein smule etter..Vi har hatt litt basseluskar i hus denne veka og ikkje hatt det heilt store overskuddet. Men no er minsten frisk og rask igjen, hurra for det!

Eg hadde min første morsdag og fekk herleg fargerike tulipanar frå gutane mine. Har funne fram igjen tavla med det storblomstra grøne stoffet på og synest blomane gjorde seg veldig ilag med den.

På søndag hadde vi noko herleg til middag som eg verkeleg vil anbefale å prøve! Kylling, chili, poteter, løk og herleg choritzopølse+++ i form i ovnen- fantastisk! Oppskrifta finn du på Trines mektige matblogg . Då middagen var ferdig, var vi så svoltne at eg heilt gløymte å ta bilde. Det de ser her, er ein rest som vart att til kvelds:-)

Til slutt eit lite bilete av mammaguten og mamma`n på morsdagen.

Gåve til ei bestemor!

2010-02-11T12:09:00.006+01:00

Til mamma sin bursdag, laga eg desse "bestemor- effektane".. Trur ho saknar det einaste barnebarnet sitt dagleg og til bursdagen laga eg nokre ting som det viste seg at bestemora sette stor pris på.

Eit lite album med bilder av gullungen med foreldre og besteforeldre. Albumet er laga av tjukk papp som eg har delt opp, mala, sverta med stempel og dekorert med bilder og pynt. Det kan stå av seg sjølv og på den måten fungere som ei ramme, der ein kan bytt på kva bilder ein vil ha framme. Viser eit utvalg av sidene her.

Ei pute med bilde av gullungen der eg har brukt idèar frå scrapbookng til å pynte opp. Eg har printa ut bildet på printerpapir som ein kan stryke over på stoff for å få det på puta.

Sjølv om ho fekk gåva då vi var der på besøk forrige veke er det i dag ho har bursdag. GRATULERER MED DAGEN MAMMA!

Nytt år - nye muligheter!

2010-01-12T13:21:00.006+01:00

Godt nytt år! Det var ikkje planen at blogpausen min skulle vare SÅ lenge. Når ein først har vore vekke ei stund, er bøygen med å kome i gang ekstra stor å kome over. MEN etter å ha tatt ein runde og sett på alt det inspirerende dykk alle har kome opp med medan eg har vore fråverande, fekk eg eit spark bak til å poste årets første innlegg.

Det er herlig å kunne begynne på nytt med eit nytt år. Vi rydda vekk jula i heimen i helga og eg kosa meg med å finne fram det forfriskande turkise og gule frå skapa! Reolen kjøpte vi i haust ein gong og eg synest den gjorde seg godt i stua. Den turkise termosen er frå Rice og den tøffe motorsykkel- sparebøssa fekk Amandus til jul av nokre "motorsykkel- venner" av oss. Den gule vasen fekk eg i innflytningsgåve av mi kjære søster for eit års tid sidan. Ellers har den gule ugla funne vegen tilbake i stua..synest den er så herlig!

Kunne ikkje la vere å ta med eit bilde av han som har opptatt det meste av tid og tankar dei siste to månedane..go`guten vår!

Endeleg kom han!

2009-11-03T16:32:00.001+01:00

Då er ventetida endeleg forbi og eg sitt med verdas skjønnaste vesle gut i armane. Født 29.10.09, kl 0524, 4160 g og 52 cm.

Han har fått namnet Amandus, etter min farfar som eg desverre aldri fekk møte. No går det i byssing, bleieskift og amming her i huset og vi gjer vårt beste for å finne ut korleis vi kan gjere det beste for denne lille karen.

Mulig det blir litt lite interiør - og hobbyblogging i nærmaste framtid, men får heller kome sterkere tilbake når ting har gått seg litt til her. Takk for oppmuntrande ord og kommentarar den siste lange ventetida!

Lita seng...

2009-10-16T14:58:00.005+02:00

Denne vesle senga kjem frå svigermor og svigerfar. Mannen min og brødrene hans brukte den då dei var små, så det er ekstra koseleg synest eg. Det er sprinkler som kan settast på no som senga er på sitt minste og så kan den skyvast ut til å bli omtrent dobbelt så lang.

No har senga fått seg nokre strøk babyvenleg Sens- maling og står klar til han som framleis nyt livet inne i magen min. Virker som eg er meir klar enn han, til vårt første møte. Tre dagar att til termin og eg må nok smøre meg med endå litt tålmod virker det som.

Svææær, spent, forventningsfull, utålmodig, glad og trist (om kvarandre heile tida!), nervøs og konstant godtesjuk er ord som beskriv meg godt for tida.

Teppet på enden er krabbeteppet eg sydde i vår som endeleg er heilt ferdig!

Riktig god hausthelg til dykk alle!

Ensom elefant...

2009-09-28T18:28:00.004+02:00

Ein nysydd elefant ventar på ein liten venn på eit nyoppussa rom..

I sommer hadde vi besøk av ein sjarmerande liten kar på 2 og eit halvt år og dei kjekke foreldra hans. Guten vart så glad i elefanten eg hadde sydd til bebisen og då han skulle reise fekk han den med seg heim til Oslo. No har eg sydd ein ny elefant som skal få lov å bli her i huset!

Den flinke handymannen min vart ferdig med babyrommet på laurdag. Listene manglar enno, men står nymala i kjelleren og kjem opp så fort dei er tørre.

Etter lange tider med søking på nettet og leiting etter barnetapet som ikkje var for nusselig, vendte eg stadig tilbake til tapeten Rush Hour. Saknar fleire variantar tapet for barn som ikkje består av teikeseriefigurar, duse pastellar o.l. Tre av veggane er tapetsert med fiberduk og mala med kvitfargen Ben (med ein nyanse grått) medan endeveggen med vindu på fekk Rush Hour- tapet. Synest resultatetet blei veldig fint og gler med til å begynne å lage til litt der inne.

Det blir nok ikkje noko typisk pastell-babyrom sidan eg er så glad i fargar.. Trur eg har bestemt med for å gå for blå, turkis og grønfargar og alle nyansar mellom dei. Skal prøve å ikkje ta heilt av..:-)

Sjølv om vesleguten skal få sove inne hos oss i laaange tider, er det veldig kjekt å ha eit babyrom til alt babystæsjet og babykleda som har samla seg her i heimen. Kjem nok til å innrede rommet sånn litt etter kvart. Tenkte å sjå meg om etter ein liten kommode som eg kan pusse opp og så har eg ståande mamma si gamle tallerkenhylle, som eg ikkje har funne plass til enda. Kanskje den finn vegen opp frå kjelleren og inn på babyrommet etter kvart?

Tek sjølvsagt imot tips og forslag til korleis innrede barnerom praktisk og fint eller gode linkar til inspirasjon!

Litt av kvart...

2009-09-22T13:31:00.006+02:00

No er det under ein mnd igjen til termin!! Eg er SÅ spent på tida framover og kan knapt vente på å holde han i armane mine..

Eg har laga meg ei liste med ting eg kan/ burde gjere før babyen kjem. Heldigvis er dei aller fleste babytinga er i boks. Lista er laga i tilfelle eg skulle begynne å kjede meg og så liker eg å få idèane ned på papiret slik at eg slepp å gå rundt å huske på alt mulig. Har fått litt strenge beskjedar både frå mannen min og mamma om å ikkje ta alle prosjekt på ein gong..alt er tyngre no, eg søv dårleg om natta med den store magen og blodtrykket har stige, så prøver å ha litt roligere dagar. Det gjeld å finne kjekke ting å gjere, men likevel ikkje bli for ivrig!

Litt sying har det likevel blitt! Ein undertøyspose til f.eks å ha i kofferten når ein er på tur slik at ikkje undertøyet flyt rundt, og ein skopose til finskoa. Posane er tenkt som julegåve. Idèen er ikkje sjølvpåkomen, dei sel sånne posar i butikkane rundt omkring og eg fekk lyst å lage mine eigne. Trur f.eks. Rice har liknande posar.

Har også sydd ei lita joggebukse i str. 68. Det grøne stoffet er herleg mjukt og elastisk så eg trur denne skal bli veldig behageleg for knøttet. Veldig artig å sy slike små klede!

Dei to siste bileta er frå nokre av dei nye putene i stua. Hadde eit lite raid og sydde nye putetrekk for eitpar veker sidan, så no er det overvekt av orange og blågrønt her ei stund framover.

Ein puff blir ny..

2009-09-08T22:06:00.004+02:00

Kjøpte denne puffen på "Gjenbruken" for ei stund sidan. Er nok litt over middels begeistra for småmøblar og spesielt puffar. Det skal liksom så lite til før dei får ny look og så er det jo SÅ praktisk; ein kan både bruke dei til lagring OG til å sitte på om det skulle trengast! Genialt! Så langt har eg dradd i hus tre gamle puffar, og trur ikkje dette blir den siste heller:-)

Det siste bildet er før- bildet og så har den fått seg to strøk med maling og lokket har eg trukke med eit av ynlingsstoffa mine (gammal duk funne på Fretex).

Fekk ikkje tatt utebilde av den ferdige puffen, pga det sidelengs regnet og stormen som herjar på ute! Skikkeleg hauststemining.

Bukser til ein liten...

2009-08-26T11:06:00.006+02:00

Har sydd nokre bukser til bebisen. Veldig artig å sy slike små klede!

Den lille elefantbuksa med føter og strikk i livet kan han sikkert bruke ganske med ein gong, medan dei to andre er litt større. Har brukt ribb i beina på sparkebuksa og ribb som ein kan brette dobbelt i livet på den lyseblå buksa.

Har brukt syboka Børnetøj 0- 3 år og eit mønster frå Stoff og stil til sparkebuksa. Der må eg innrømme at eg ein sein og litt irritert kveld, sydde buksa att i innersaumen i staden for å lage til trykknappar. Klarte ikkje å forstå kva dei meinte i sybeskrivelsen og trøtt og lei som eg var droppa eg heile greia..:-) Får prøve igjen ein gong eg er litt meir våken og opplagt!

Ellers skin sola på Vestlandet og eg kjenner at føtene mine fyller heile Crocs`a;-) Får gå og legge beina høgt ei stund:-)

Ønsker alle ein herlig onsdag!

Vårt vesle under...

2009-08-17T21:28:00.004+02:00

Første sida i albumet klart! Han låg uroleg slik at bilda vart såpass utydelege at vi fekk dei gratis.. Betre bilder følger forhåpentlegvis om ca to månedar:-)Inne i den runde tekstboksen har eg skrive tekst, men sensurert det for anledninga.

Eg har fleire gonger før sett bilder frå ultralyd og lurt på kva som er opp og ned og i det heile tatt kvar babyen er! Og sjølv om vi trengte litt forklaring når det gjaldt vårt vesle under også, blei eg forunderleg fasinert over å få sjå korleis han herja på der inne, korleis vi kunne sjå dei ulike organa i funksjon og i det heile tatt at det var ein baby der inne og at det faktisk var VÅR! Ei spesiell oppleving.

No, tre månedar seinare, når han sparkar meg så hardt at eg rykker til eller hikker så magen min gjer små hopp, er det heile blitt meir verkeleg. Eg har nettopp gitt meg sjølv lov til å sjå litt på babyklede i butikkane og kjenner at no når nokre små plagg er komne i hus, kan ventetida bli skrekkelig lang.. Eg gleeeeder meg sånn til å møte han, holde han, kose med han og passe på at han har det bra!!

Nymala kjøkken!

2009-08-13T15:00:00.007+02:00

Vi har vore så heldige og hatt mamma og pappa her på besøk i sommer. Dei gav tidleg beskjed om at vi måtte ha eit prosjekt klart, slik at dei kunne få hjelpe oss litt! Prosjekt er det nok av her i huset og det heldige utvalgte rommet var; kjøkkenet!!

Mannfolka skrudde ned skap- og skuffedører, medan mamma, søstera mi og eg plukka ut av skapa, vaska og gjorde klart. Kjøkkeninnredninga er mala med fargen "Ben" som er ein kjempelys grå (med Sens- maling, for babyen si skuld!), veggane med kvitkvit og så kunne eg ikkje la vere å velge den lyse turkise ynlingsfargen min på det store kjøkkenskapet. Ny knottar og handtak handla vi på Clas Ohlson.

Pappa var så snill å male "bestemor-stolen" som mamma brukte då ho gjekk gravid, i den same herlege turkisfargen som skapet, og med ei tjukk pute vart den skikkelig god å sitte i med det skrale bekkenet mitt.

Kjøkkeninnredninga, som tidlegare var i svært gulna furu, vart så lyst og lett at det er ei fryd for auge, synest vi! Kjempefornøgd med andre ord!

Er kjempetakknemlig til mamma og pappa for hjelpa og koselig besøk!

Sparkedress til bebisen...

2009-08-11T20:16:00.007+02:00

Mamma har hjelpt med å sy denne lille sparkedressen til bebisen!

Det er første gong eg har prøvd å sy etter mønster og under god veiledning gjekk det ikkje så verst:-) Eg brukte den nye syboka mi; Børnetøy 0- 3 år og stoffet er kjøpt på Stoff og stil. Den er sydd i str 68 så han må nok bli litt større før han kan bruke denne.

Målet no, er å prøve å sy fleire små klede på eigenhand. Vi får sjå korleis det går!

Småting frå København...

2009-07-22T12:32:00.004+02:00

r

Vi har kosa oss fire dagar til ende i Købnhavn! Blei mange kafèbesøk og har testa mange benkar, og med gode kvilestunder på lekkert hotel og medbrakt pute i veska til harde kafèstolar, må eg sei det gjekk riktig så bra til tross for skranten kropp:-)

Blei ikkje den store handelen, men nokre småting fekk eg med meg. Ein artig bilplaktat, lekre stoffbitar frå Grøn lykke og nokre fiiine knottar til skapet på bebisen sitt framtidige rom. Godt fornøgd med handelen!

Fortsatt god sommer til alle!

Iskaffe...mmmm!

2009-07-05T13:57:00.009+02:00

Eg er kjempebegeistra for iskaffe! Eg er ikkje den store kaffedrikkaren til vanleg og spesielt ikkje no med knøttet i magen, men av og til unner eg meg ein kopp. Då går det for det meste i kaffelatte- variantar på kafè, ferdige posar som du tilsett kokande vatn heime eller når mannen lagar svart kaffe, drikk eg den med mykje melk..

Dei siste dagane har vore litt i varmaste laget synest eg (utan å klage sjølvsagt!!). Hadde eit stykke deilig sjokoladekake og fekk lyst på kaffelatte til, men eg holdt på å renne vekk etter halve koppen. Då begynte tankane mine å surre rundt iskaffe! Har kjøpt Tine sin nokre gonger og synest den er herleg søt og god, men fungerer dårleg viss du skal ha noko søtt til. Då vi var på Filipinene i fjor, var iskaffe på Starbucks eit must omtrent kvar dag, HERLEG! (Når kjem Starbucks til Noreg??!)

For å kome til poenget; eg begynnte å leite på nettet etter oppskrifter på iskaffe. Fann eitpar og miksa dei litt, tillegg til litt kunstnerisk frihet. Vil du lese om å lage iskaffe heime kan du sjå her Klikk.no og Apèritif .

Slik gjorde eg (til eit stort glass):

1) Laga 1 1/2 dl sterk kaffe - Laga av kaldt vatn og to store kaffeskeier med kaffegrut. La det stå i nokre timar, eller ha meir grut i og la det stå ein time. Du kan visst lage vanleg sterk kaffe også, men då vil smaken bli meir bitter i følge klikk.no. Helte kaffe- en gjennom kaffefilter, slik at eg fekk ut gruten.
2) Hadde i 2-3 ss med sukker og rørte det ut (Eg liker kaffeen søt!).
3) Fylte eit stort glass halvfullt med isbitar og helte kaffeen over. (Eller knuse isbitane i blender)
4) Fylte opp (nesten) glaset med melk.
5) Hadde i ca 4 ss med mjuk vaniljeis og rørte det ut.

Kaffe er sjølvsagt ei smakssak, så mitt tips er å prøve seg fram med desse ingrediensane og finne sin eigen miks. Les linkane ovanfor også, for fleire variantar med bær, sjokolade eller uten melk.

Dette var så godt at eg berre måtte dele det med dykk der ute! Lykke til om du vil prøve!

Ein oppkvikka gang!

2009-07-03T18:15:00.003+02:00

No må eg innrømme at den lange, umulege, kvite, kjedelege gangen vår, faktisk er like lang men ikkje fullt så umuleg, kvit og kjedeleg lengre!

Har fått opp den "obligatoriske" settekassa, og nokre bilder som eg har hatt liggande lenge. Englebildet er eit gammalt som mamma hadde funne hos bestemor, eg synest det er så FINT! Det var ikkje så lett å få gode bilder av gangen når den er så smal at eg måtte stå inne på badet å ta bilder, men det får duge..:-)

Ellers kan eg i dag skryte av årets første bad i sjøen, veit eg er litt pyse som ikkje har gjort det før! Føltes litt merkelig å lufte kulemagen og dukke den under, men knøttet sparka vilt då eg gjekk opp igjen, så kanskje han ville bade meir?!

No blir resten av kvelden inne framfor tidenes innflytningspresang frå snille og omtenksomme tante og onkel: ei stor vifte som gjer det fleire hakk herligere å vere gravid i sommervarmen:-)

Omsydd kjole og fiine blomster...

2009-06-30T13:27:00.006+02:00

Denne helga har vi vore i bryllup på Sunnmøre. Ei veke før bryllupet prøvde eg dei potensielle kjolane og det viste seg at store ting hadde skjedd den siste månaden og ingenting var spesielt kledelig lengre og nokre var umuleg å få på seg også.

Eg var innom bloggen til kreative Kristine, Hobbyrommet, og såg på den fantastisk fine toppen ho hadde sydd av farmora sin gamle kjole. For ein god idè!!

Dermed bar det av stad til bruktbutikken og eg kom heim med ein mørkeblå gamledamekjole til 50 kr. Hadde håpa på noko meir fargerikt, men tenkte at det var verdt eit forsøk. Så blei det klipping og sying og ein tur til Stoff og stil for å kjøpe stoff til underskjørt, knappar og ny glidelås. Var såpass fornøgd med resultatet at eg turde å gå med kjolen i bryllupet, sjølv om den heilt klart har forbedringspotensiale.

Den nydelege hortensiaen fekk eg av dei søte elevane mine, siste dagen før ferien. Vikariatet mitt går ut i sommer, så det var trist å seie hade til den herlege gjengen!

Då vi kom tilabake frå bryllupshelga, var det eine rosetreet vårt fullt av nydelege knall rosa roser, fine eller??!

Ha ein herleg sommerdag!

Bekkenløsningspute og trøstesmørbrød på fiiiint fat...

2009-06-20T23:57:00.005+02:00

I kveld skulle eg eigentleg vore på sommerfest hos nokre venner. MEN nasa er tett, halsen sår og bekkenet verker... Har nok ikkje tatt det så rolig som eg burde denne veka og får betale for det no.

Dei store avlange putene frå Stoff og stil er geniale å ha mellom knea slik at bekkenet får kvile når ein ligg. Puta har blitt flittig brukt sidan eg fekk den i hus og i formiddag fekk eg sydd nokre saumar, slik at den fekk trekk! No kan den ligge i sofaen utan å sjå fæl og bekkenløsningsaktig ut:-) Godt fornøgd med resultatet!

Til trøstemat vart det focaccia som eg fann i fryseren med skinke, ost, salat og tomat. Tomatane i butikken er blitt så søte og gode no så vi fråtser for tida. Det fine fatet har eg fått av svigermor og ho har fått det av si mor. Fekk sju flate tallerkenar og sju djupe, heldige meg!!

No berre ventar eg på å høyre den gode lyden av motorsykkelen til mannen, slik eg kan legge meg. God natt alle sammen!!

Fargar i krokane...

2009-06-19T18:02:00.005+02:00

Er så GLAD i bilder eg finn rundt omkring på dei herlege bloggane dokka, av koselige og fargerike krokar som gjer ein reint blid av å sjå på. Kom til å tenke på at eg stort sett tek bilde av tinga, utan heilheita rundt! Kjem nok av at huset vårt enno kan kallast halvferdig i både oppussing og innredning, men det blir heldigvis stadig betre.

Her er nokre bilder av eitpar av mine fargerike krokar. Fann nattbordet i gangen på ein bruktbutikk forrige helg og er kjempefornøgd fordi det både er veldig praktisk og veldig søtt, synest eg! Det blir nok mala etter kvart, men sidan eg ikkje er i malemodus på nokre månadar enno, forblir det lyyyysegrønt inntil videre. Dei flotte Blafreboksane kom til sin rett der også..

Der tredje bildet er frå peiskroken på stua, i si heilhet! Er blitt Så glad i den gamle gyngestolen frå huset til mannen min sine oldeforeldre.

Ha ei herleg helg alle sammen!

"En elefant kom masjerende.."og eit krabbeteppe!

2009-06-14T17:10:00.005+02:00

Når ein ligg på sofaen med bekkenløsning, blir ein stadig påminna kvifor ein legg der og kva ein venter på. Ein har goood tid til å tenke ut alle mulige ting ein skulle gjort og som ein kunne ha lyst til å lage til, til det velse nurket kjem.

Eg kunne tenkt meg å sydd nokre klede til han (først lært meg å sy klede!), pussa opp rommet som skal bli barnerom, mala vogga, stolen..og senga, sydd gardiner og sengesett, scrappa ultralydbilder, innreda rommet og fleire andre ting. No er det fire månader til termin, så eg har ikkje dårleg tid..men det er frustrerande når energien og tida er der, men ikkje forma.. Det var dagens hjartesukk!

Når det er sagt, så fungerer det fint å gjere ting i små porsjonar om gangen..Litt utfordrande kan det jo vere for ei utålmidig sjel som meg, men det er mykje betre enn ingenting:-)

Eg har sydd ein liten elefant, som for tida masjerer bortover sofaryggen vår...(Ei etterligning av ein elefant søstera mi hadde fått av ei venninne). Krabbeteppe er også undervegs, men eg har ikkje fått sydd på bakstykket og gjort siste finishen endå...

Ha ein herleg søndag alle sammen!!

Blomstrande bonus..

2009-06-04T22:05:00.005+02:00

Vi kjøpte huset vårt i november og denne våren har vi verkeleg fått oppleve ein kjempebonus som vi ikkje visste om!

Eg er ingen blomster eller hage- ekspert og i november klarte ikkje eg å tyde noko særleg ut av buskene og kvistane rundt omkring i hagen. No viser det seg at vi har ein herleg fargerik hage, med mengder av blomster i alle mogelege fargar.

Kvar veke no på våren, dukkar nye variantar opp og eg plukkar inn og gler meg over denne fantastiske bonusen!! Over seg de eit utvalg av det eg plukka inn i dag..

Biltema...

2009-05-29T21:10:00.005+02:00

Sjølv om mannen min som regel ikkje har noko å seie på mine meir eller mindre vellukka idèar sånn interiørmessig, prøver eg ein gong i blant å finne noko som verkeleg er etter hans smak...samtidig som eg går god for det sjølv:-) (Kanskje ein måte for å få betre samvittighet for alt det andre eg dreg i hus?!)

Sidan mannen min er over middels bilglad, pregar bilar i ulike variantar og frå ulike tider veggane heime hos oss.

Stort bilbilde frå Kremmerhuset, wallsticker frå Wallcompany, lite bilbilete frå Ikea og bilbursdagskort frå BigFish (beklager uklart bilde!).

Berre sjokoladekake???!!

2009-05-29T19:03:00.004+02:00

Det kunne vore slik at denne kulen på magen min berre var eit resultat av stooore mengder sjokoladekake...

MEN heldigvis er det ikkje slik!

Der inne i magen min turner det faktisk rundt ein sprell levande liten babygutt!!!

Dei siste månedane har vore spennande, annleis, litt kvalme(!), fulle av forventning og litt frykt, med heile tida ei vaksande kjensle av at det er eit lite, eineståande liv som veks inne i meg! Fantastisk!

Vi har fått sett den vesle guten vår på ultralyd der han turna rundt, krølla seg saman og gjorde det vanskeleg for den stakkars jormora å få tatt dei bileta og målingane ho skulle. Der var veldig spesielt å sjå hender, føter, eit bankande hjerte og den lille mini- babyen som styra på der inne. Vi er takknemlege og glade fordi alt såg bra ut og eg kjenner at eg gler meg meir enn nokon gong til å møte dette lille underet!

Ei fantastisk bestemor har flytta til himmelen...

2009-05-18T14:50:00.008+02:00

Her er eit innlegg som ikkje passar til bloggtittelen, men det er viktig for meg å lage det likevel...

På sjølvaste 17. mai, medan sola skein og norske flagg vaia over heile landet vårt, sovna bestemora mi inn. Ho vart 91 år gammal. Ho har vore den beste bestemora ein kan tenke seg; full av omsorg, interessert og oppdatert i alt vi har drive med og med ein herleg humor! Ho har laga uendeleg mykje god mat til oss og delt ut fleire klemmar enn nokon andre eg veit om.

Eg har fått namnet mitt etter henne, alle dei tusenvis av fregnene mine og den til tider plagsommt lange storetåa mi og min store fot etter henne. Vårt felles "tå/fot- problem" har vore til felles irritasjon, men vi har minst like ofte vi fått oss ein god latter under desse tå/fotsamtalane. Bestemor hadde alltid så lett for å le og sjå det morosame i ting!

Bestemor snakka alltid om det å dø, som å flytte. Ho var heilt overbevist om at ho skulle " heim til Jesus og til himmelen" når livet hennar her på jorda var slutt. Eg veit ho spesielt dei siste åra, har gleda seg til dette. Eg er glad for at eg har den samme trua som henne. Sjølv om eg kjem til å sakne henne noko veldig, har eg fantastisk mange gode minner og ei tru på at eg får møte henne igjen i himmelen ein dag!

Synest dette bildet av henne er så herleg! Det er tatt for eit år sidan.

Fylt focaccia...mmm!

2009-05-14T19:45:00.005+02:00

Etter ei tid der lite mat frista, har eg no fått matlysta tilbake for fullt og det merkast også her på bloggen. Blei jammen fleire matinnlegg etter kvarandre!

Veit ikkje om fleire kjenner til følelsen av å gå rundt å ha lyst på noko godt?! For min del fører dette som regel til gjennomlesing av kokebøker og utallige søk på nettet for å finne det rette, for så å setje i gang med kokkeleringa på kjøkkenet. Eg er kanskje over middels glad i å lage mat også og det passer i grunn bra sidan vi bor i ei bygd som ikkje akkurat er noko take- away- eldorado. Her får du lage maten din sjølv, om det er kinamat, pizza eller italiensk!

Var uendeleg lenge sidan eg hadde oppvarta min kjære mann med eit herleg måltid, samtidig som eg sjølv ikkje var framand for noko godt til middag/kvelds i helga som var. Det blei fylt focaccia, tomatsalat, tzatziki med oliven, fetaost, avokado og soltørka tomat til. Laga litt hemmelighetskremmerier og mannen i huset satt med lukka auge og berre sniffa inn lukta av det varme focacciabrødet, medan eg dekka bordet framfor han. Kjekt å lage mat, kjekt å overraske og ekstra kjekt når alt blir sett stor pris på:-)

Som de ser rakk eg ikkje ta bilete, før "nokon" sette tennene i den eine biten med focacciabrød..(Eg, eit matvrak??!! Neeeiiida:-) )

Brukte spekeskinke i staden for skinkebiff og soltørka tomatar i fyllet. Så hakka eg litt frisk basillikum og hadde på toppen av brødet i tillegg til saltet. Ellers brukte eg oppskriftene som eg fann på matprat.no

Hørtes dette fristande ut, finn du oppskriftene her:

Fylt focaccia

Tomatsalat
Tzatziki

Loppisskåler og thaisuppe...

2009-05-11T16:31:00.010+02:00

Fann desse herlige skålene på eit loppemarked rett i nærleiken. Har eit kakefat med samme mønster så då var det ekstra kjekt!

I dag fekk eg lyst og prøve noko nytt til middag. Tok opp kyllingfilet frå frysen og gjekk i gang med å søke etter oppskrifter på nettet. Ville ha noko som var kjapt og greit å lage og landa på ei thaisuppe eg ikkje hadde prøvd før. Og jammen skal eg lage den igjen! Kjempegod og lettvint, rett og slett!!

Chiang Mei nudelsuppe

Ingredienser

4 stk kyllingfilet

6 dl kokosmelk
ca. 1 ss rød karripasta (styrken varierer)
1 ss gurkemeie
6 dl hønsebuljong (utblandet)
saften av 1 stk lime
4 ss fiskesaus (asiatisk)
1 ss soyasaus
ca. 100 g nudler

Til Pynt:
1 stk finsnittet vårløk
1 stk rød chili i tynne ringer
2 stk finstrimlede kaffirlimeblader (kan sløyfes)

Fremgangsmåte

Skjær kyllingfiletene i passe store stykker.

Hell 2 dl av kokosmelken i en kjele og la det boblekoke til det skiller seg.

Rør inn karripasta og gurkemeie. La det frese noen minutter.

Tilsett kyllingbitene.Vend dem godt i pastaen mens de stekes.

Hell i resten av kokosmelken og spe med hønsebuljong.

Press over limesaft. Smak til med fiskesaus og soyasaus.

Fordel nykokte nudler og kyllingbiter i dype suppetallerkener og

hell suppen over.

Dryss vårløk, chilipepper og kaffirlimeblader over hver suppeskål

før servering.

Tips:
Styrken på karripasta varierer fra merke til merke. Det er derfor lurt å prøve

seg litt frem med mengden.

Eg hadde i litt paprika og gulrot også, for å få med litt grønsaker.

Oppskrifta er frå www.egg.no. Kan anbefalast!!

Tips til ein smal, kvit gang?!

2009-04-26T21:27:00.005+02:00

No er golvet i gangen ferdiglagt og det blei betydeleg lysere og lettere etter at det brune 70- talls golvbelegget forsvann. Nye, lyse veggar utan gulna tapet gjorde også sitt og no er det berre siste finishen igjen.

Gangen har, som nemt tidlegare heile NI dører og ikkje mykje veggplass. Har hengt opp eit speil, ein lampe med heimesnekra skjerm og to bilder med fargerike rammer på den eine veggen. Digger bilkortet med austeuropeiske bilar i herlege fargar, kjøpt på Ikea for fleire år sidan.

No står den andre veggen for tur og eg tek meir enn gjerne imot tips! Trur ikkje eg vil ha noko ståande på golvet, i så fall må det vere noko veldig smalt inntil veggen..Treng noko som gir gangen farge og piffer den opp litt!..eller gjerne veldig!

Heldige meg!!

2009-04-15T18:44:00.003+02:00

Eg har hatt bursdag!! 29 år 14. april. Hadde ein kjekk dag og fekk så mange fiiiine ting!!!

Min gode mann slo til med blant anna denne fantastiske lykta frå Rice. Søstra mi fall for Blafreboksane, utan å vite om min fasinasjon og ellers fekk eg både rosebukett, Ingrid Olave- cd og lekre koppar, glass og deilige heimestrikka pulsvarmarar og mykje anna fint og praktisk.

Hadde ein veldig koselig dag med jamt med kvitveis frå elevane i frimenutta og selskap med venninner på kvelden. God stemning og veldig koselig!

På jakt etter vårteikn...

2009-03-23T19:45:00.004+01:00

Det er herleg no når våren begynner å kome og den "nye" hagen vår kjem med koselege små overraskelsar. No er det snøklokker og krokus som har dukka opp og dei er jo så fiiiine!

Fann desse herleg vårlege eggeglasa på Ålhens og kunne ikkje motstå fristelsen..var dei ikkje søte?!

Ha ei god vårleg veke alle sammen!

Gyngestol og fargerike kjøkkenstolar...

2009-03-06T12:00:00.003+01:00

Her i huset har det vore både vinterferie og influensa og det har ikkje blitt den heilt store blogginga. Men no fekk eg lyst til å legge ut eitpar bilder igjen..

Svigermor har rydda på loftet og ville gjerne bli kvittt denne flotte gyngestolen. Så no er den plassert framfor vedovnen i stua. Deilig å sitte der å gynge med ein tekopp og ei god bok. Får sjå om eg finn på å male den ein vakker dag, men foreløbig skal den få vere som den er.

Var innom bruktbutikken og fann eitpar nye kjøkkenstolar også. Dei to gule og krakken har vi fått frå svigermor og svigerfar, og så fann eg den lyseblå og raude her om dagen. Kjøkkenbordet har min flinke farfar, som eg dessverre aldri fekk møte, laga. Spesielt koseleg sidan han har laga det synest eg!

Syprosjekt og basseluskar...

2009-02-21T13:47:00.004+01:00

Eg er stadig innom bloggen til ei svært kreativ dame. Ho er ein kløppar til mellom anna å sy og på Hobbyrommet hennar er masse inspirasjon å hente. Har beundra dei søte forklekjolane som ho tryllar fram og har lenge hatt lyst til å prøve meg på noko slikt! Oppskrifta hadde ho funne på bloggen Ohlene syr og der var både forklaring og teikningar som var greie å forstå for ufaglærte som meg. Kjolen kan vrengast og brukast på begge sider.

Ellers har ein gjeng basseluskar inntatt kroppen min og gjer at mesteparten av helga nok blir tilbrakt på sofaen. Skulle eigentleg avgårde å passe skjønne nevøar, men sendte den snille og flinke mannen min i staden.

Riktig god helg til alle dokke der ute!

Glimt frå heimen...

2009-02-09T17:19:00.004+01:00

Når ein driv å pussa opp og laga til eit heilt hus, kjem ting på plass litt etter kvart. Den siste veka har vi (les: husets handyman) reve ned tapet og spakla, pussa og mala gangen vår. Typisk 70- tallsgang med heile 9 (!!!) dører..ikkje det mest sjarmerande menmen.. Utfordringa er få ein slik gang koselig og ikkje berre mørk og trist. Reknar med at golvet blir lagt om ikkje så lenge også og då skal eg ta bilde av heile greia. Det einaste eg har fått opp er ein oppfiksa lampe eg fann heime i jula..furufoten har blitt kvit og skjermen kledd med eit av favorittstoffa mine for tida.

Eller nokre glimt frå ein nymåla trappekrakk som kjem svært godt med for rekke opp til dei øverste kjøkkenskapa, ein herleg tulipanbukett mamma fekk pappa til å kjøpe til ho til morsdagen, slik at ho kunne gi den videre til meg då dei måtte reise dagen etterpå. Då kunne ho kjøpe ein anna blomst til meg også, sidan den andre var til ho..lurt altså!

Eit lite kjøkkenbord bilde blei det og..med ny duk frå "Mitt rede", kasettspeleren eg fekk av farmor då eg var 7år og litt anna.

Ein oppkvikka sofa...

2009-02-02T20:41:00.003+01:00

Bilde av nysofaen med dei to nysydde putene oppi! Ikkje det beste bildet, men ein får eit visst inntrykk. Puta lengst til venstre på det nederste bildet er frå Ikea og heklaputa fann eg i barndomsheimen min, spretta av heklastykket og sydde det på knallrosa bakstykke.

Bordet kjøpte vi på Fretex i helga for under 200- lappen! Var noko slikt eg var på jakt etter og med dette lange bordet får vi verkeleg utnytta den store sofaen vår maksimalt. Plass til masse besøk med masse mat på bordet, jippi! Kjekt å bryte opp det kvite og grå med gyllen 70- tallstre synest eg. Vi har dessutan den typen tre på dører og gardinstenger også. Ekte 70- tall, i like it:-)

Kjenner på meg at det blir eitpar puter til i sofaen om ikkje så lenge! Treng berre ein god idè!! Tips mottas med tusenTAKK:-)

Putefornying..

2009-01-27T17:02:00.004+01:00

Heilt sidan ei god stund før vi fekk den store grå sofaen, har eg grubla på nokre nye puter til den. Sofaen er stor og grå og er veldig fornøgd med den, MEN den treng nok litt oppkvikking! Kjekt å sy puter, men veit aldri om eg blir skikkelig fornøgd før dei er ferdig sydde og det har gått nokre dagar.. Då kan eg enten finne ut at eg er kjempefornøgd, eller det motsatte.. Tok derfor litt tid før eg mota meg opp til å sette i gang:-)

Men no har eg altså sydd eitpar..og trur eg er fornøgd! Skal ta bilde av dei i sofaen ein dag eg er heime tidligere på dagen. Stoffa eg har brukt er mest frå bruktbutikkar og Fretex og ei bakside og ei lita stripe er frå Ikea.

Utfordring...

2009-01-26T16:34:00.004+01:00

Eg har fått ei utfordring frå Maya`s loft! Den handlar om at ein skal legge ut bilde nr 6 fra starten av bloggen sin. Dette bildet er tatt då eg nettopp hadde vore på loppemarked og eg viste fram nokre av funna mine, så her kjem det;
Var litt artig å lese innlegget om korleis eg handla vasar utan å eigentleg ha plass på våre 40 kvadrat, men trøsta meg med at "ein vakker dag, kan det vere kjekt å ha!" Og jammen er den vakre dagen komen og vi har flytta i stort og herlig hus. Det skjedde både før og blei bedre enn eg drømte om.. Føler meg heldig!

Eg gir utfordringa vidare til 6 andre spreke bloggar:

Alvorada
Briggs lekehus
Kardemomme
Kaspara
I Veras hus
Nyte livet

Likte de utfordringa, så leit fram bilde nr 6!

Matrushka eller babushka i eit tre...

2009-01-24T17:09:00.006+01:00

Såg idèen om å male på vattkuler til små matrushka-er i ei utgåve av "Kreative kvinner". Har så mange vasar eg liker å pynte med og då er det kjekt å ha noko oppi dei som kan stå uendeleg leeenge utan å visne:-)

Her har matrushka- ene inntatt ei trollhasselgrein i ein av favoritt loppisvasane mine.

Søskenbarnet mitt som var i Russland for ikkje så lenge sidan, fortalte at dei dukkene eigentleg heiter matrushka og at babushka, som eg kallte dei, eigentleg betyr bestemor. Uansett matrushka eller babushka, artige ord og artige dukker!!

"Databordet" i stua...

2009-01-16T19:39:00.004+01:00

Det er så kjekt no som stua begynner å bli slik vi vil ha den! No begynner ting verkeleg å kome på plass her og det er godt for utålmodige meg:-)

Er lei av å ha pc-en på stuebord, i sofa, på golvet osv, så no har eg rigga til eit bord i stua til den bærbare pcen. Målet var at det skulle vere praktisk, til betaling av rekningar og slikt, utan å sjå ut som eit kontor. Det gamle bordet brukte oldemora og oldefaren min, stolen er frå svigermor, lampen frå ein bruktbutikk, det oransje saueskinnet frå bestemor og tavla er korketavle trekt med stoff frå eit Fretex- putevar (uopna pakke, så utan sikkel frå 70- talet;-) ).

Er godt fornøgd med denne fargeklatten i stua!

Lopper og barndomsminner...

2008-12-31T14:16:00.003+01:00

Ein kan vel ikkje kalle ting som ein finn i sin eigen barndomsheim for lopper?! Nei, det kaller eg barndomsminner. Med nytt hus og mykje plass er det fantastisk å få frie tøyler til å plukke med seg gode minner og ting ein har bruk for, som foreldra mine har stua vekk fordi dei ikkje lenger har bruk for det.

I heimbygda mi har kyrkja starta ein stor bruktbutikk for eit par år sidan. Der har eg vore innom når eg har vore heime, men pga plassmangel har eg stua det inn i eit skap heime hos foreldra mine. Denne gongen har eg leita det fram igjen og no skal det få bli med heim!

Vasen, gryteklutane og brødkorga med fuglen på fann eg på bruktbutikken, medan det orange sausskinnet, den raude koppen og englebilete er minner frå min og mamma sin barndomsheim.

Greske kjøttboller med salat, dressing og pita..

2008-12-30T16:15:00.006+01:00

Vi er utruleg heldige i dette landet, som kan ete oss gode og mette og kose oss skikkelig med mat, eigentlig både til kvardag og fest. Etter jula er vi ekstra proppa av god og kanskje litt tung julemat. Og mat må vi jo ha og då er det kjekt at den både er lettvint å lage og lett for magen. Her kjem ei oppskrift på ein slik rett (frå ei dame på gamlejobben min!); greske kjøttboller med pita og salat. Knallgodt, lettvindt og lett i magen!

Du treng:
1 pk kjøttdeig av svin
2 (eller 3) pk gresk dressing (pulver ein kjøper i 3 pk frå Knorr)
1 pk lettrømme
salt og pepper

isbergsalat
tomat
agurk
rødløk
fetaost
oliven

pitabrød

Bland 1 pk gresk dressingpulver med svinekjøttdeiga, ha i ca. ei ts salt, 1 ts pepper og lag små kjøttbollar. Vil du ha kjøttbollane sterkere, bland i 2 pakkar dressingpulver. Steik kjøttbollane på steikepanna.
Kutt opp salat, tomat og agurk og rødløk i ringar og ha fetaost og oliven over salaten. Bland 1 pk gresk dressingpulver i en pk rømme og la det stå ei lita stund i kjøleskapet før servering.

Varm pitabrøda og fyll dei med kjøttbollar, salat og dressing eller ha brødet ved sida av.

Årets julegaveidè..

2008-12-29T20:12:00.004+01:00

I år har eg sydd puter med bilder på til fleire venner og familie. Prøvde å tilpasse fargevalg og stil slik at det skulle passe til den enkelte. Her er eit utvalg eg knipsa før eg pakka putene inn før jul.

Nygamle stoff...

2008-12-29T01:09:00.006+01:00

Fann desse artige stoffa i ein bruktbutikk i heimbygda mi. Vi venter på ny sofa, som eg frykter blir veldig grå samanlikna med den blomstrete (sjå forige innlegg!)..sidan den faktisk er grå og ikkje blomstrete! Kanskje blir det nokre freske puter av desse stoffa som kan fiffe opp nysofaen litt?

Små glimt frå nyhuset vårt...

2008-12-08T19:28:00.005+01:00

Ein fatastisk fin lampefot eg fann på den lokale bruktbutikken på ei lilla heklabrikke eg fekk frå svigermor, min mann sin store kjærleik (nest etter meg, håper eg!); denne alvorleg blomstrete sofaen frå 60/70- talet, bestemor og bestefar sin gamle skjenk, adventspynta og fin, eit Ikea- skap vi fekk av sovgeren og svigerinna er mala og har fått nye knottar frå Milla Boutique, til slutt; kjøkkendøra som eg har mala med tavlemaling og nokre gløtt inn på kjøkkenet slik det ser ut i dag (Beklager dårlege bilder, er aldri heime i dagslys!)

Kjem sterkere tilbake...!

2008-11-26T22:33:00.005+01:00

No er det pakking og vasking og flytting til den store gullmedalje her..vi flytter i morgon, driv å maler i nyhuset og skal begynne i ny jobb på mandag.

Så viser det seg at det kjem til å ta ein mnds tid før vi får internett i nyhuset, så derfor blir det nok ikkje nye innlegg med det første. MEN skal prøve å legge ut bilder av hus og oppussing så fort vi er på nett igjen!

Bildet er frå kvelden vi overtok huset. I tomt og kaldt hus med medbrakt pastasalat, hadde vi vårt første måltid i eige hus, føltes veldig BRA!

Artige elefantar!

2008-11-07T22:21:00.003+01:00

På bloggen til denne flinke dama, finn du ein konkurranse der du kan vinne ein slik elefant! Fantastisk artige syns eg:-)

Har kjøpt huuuuuuus!!

2008-10-28T21:28:00.005+01:00

Etter lange tider med leiting, vurdering, visningar, kronetelling osv, har vi faktisk kjøpt det huset vi berre ikkje har klart å få ut av tankane den siste tida. Ikkje fordi huset var kjempestort, nytt og perfekt, men fordi vi berre falt så veldig for det og fekk så ekstremt god følelse då vi var og såg på det. Tenk at huset er vårt, jippijaja!!!!

Scrapbookingkurs...

2008-10-26T20:33:00.006+01:00

I dag har eg vore på scrapbookingkurs! Marie Dørdal Sylta heiter dama som var så snill å hadde eit inspirerande og lærerikt kurs for oss. Sjå bloggen hennar ! Vi har reve, krølla, sverta og kosa oss skikkelig! Veldig artig å lære noko nytt:)

Hummer og kanari...

2008-10-25T17:03:00.005+02:00

Det er godt innevèr, for å sei det sånn. Har sydd litt, spraya litt og kosa meg. Den gule ugla vart så einsam åleine i stua, så no har den fått selskap av to gule froskar. Dei har fått plass på eit loppis- "sølv"-fat ilag med to lysestakar som vart lilla, lys og blomster.

Det lille teppe er et forsøk på ein lappeteknikk som svigerinna mi viste meg. Har aldri vore borti slik sying før og litt skeivt blei det, men kjekt å prøve.

Eitpar nålputer som eg har sett på mange ulike bloggar. Då eg prøvde å finne kjelda, fann eg haugevis og veit ikkje kvar eg såg dei først, så det vart litt vanskeleg.

Til slutt eitpar adventshjerter, med litt fargepynt!