Beklager lite aktivitet her i det siste. Har vore på motorsykkeltreff, "husmorferie" til Oslo, hatt feriegjestar og utdritningslags-helg for mi kjære søster.. så derfor!
Har blitt nokre grillturar og to telt- og lavoturar med mat og full oppakning i vår/sommer. KVAR einaste gong har eg irritert meg over at eg før avreise spring rundt i leiligheta og leitar etter plastkoppar her og bestikk der og at eg har måtta drasse med meg vanlege middagstallerkenar på grilltur til sjøen!! Liker at ting er praktiske og greie, og det er definitivt ikkje piknikutstyret vårt.
Har derfor laga ein piknikpose som eg har sydd av noko stoff eg kjøpte på Ikea. Posen er sydd som ein gammaldags gymbag med ei snurpesnor( artig ord!) i kanten oppe og festa i ei hempe nederst i posen. Kan berast som ein sekk eller over skuldra som ei veske.
Laga ei lita fora lomme utanpå til f.eks. fyrstikker eller Klinex. Inne i posen er foret utstyrt med ei lomme til plastallerkenar, ei til plastkoppar og ei til bestikket (umulig å ta bilde inne i veska, skulle ha gjort det FØR eg sydde den saman, bommert!). Då har alt sin fast plass og slepp å ligge i ein haug nedi der. Laga også ein eigen "holder til bestikket som ein skal rullast saman og knytast att med ei snor.
Hadde ikkje noka oppskrift, så klipte og sydde på måfå. Med den lille erfaringa eg har, gjekk eg på eitpar smellar, men då er det berre å gjere omatt, og eg blei greit fornøgd til slutt.
No skal eg samle piknikutstyret vårt, kjøpe plastallerkenar og berre glede med til neste grilltur!
